Bændaglíma Suðurlands 2014

Bændaglíma Suðurlands 2014 Bændaglíma Suðurlands fór fram í 16. sinn í félagsheimilinu Þingborg í Flóahreppi laugardaginn 31. maí 2014. Glíman var liður í árlegri vorhátíð Flóamanna sem nefnast Fjör í Flóa og haldin var um þessa helgi. Til leiks mættu tvö lið glímukvenna úr HSK en bændur voru þær Marín Laufey Davíðsdóttir og Brynhildur Hrönn Sigurjónsdóttir. Bændurnir kusu sér lið úr hópnum en Marín vann hlutkesti og fékk að kjósa fyrr. Til leiks mættu níu stúlkur og voru því fimm í liði Marínar en fjórar í liði Brynhildar. Yfirdómari og glímustjóri var Stefán Geirsson bóndi í Gerðum. Hann kynnti keppendur og skýrði fyrirkomulag glímunnar fyrir áhorfendum sem voru allmargir. Kristinn Guðnason bóndi á Þverlæk lýsti keppninni fyrir áhorfendum og kom víða við í lýsingum sínum. Ritari var Jón M. Ívarsson frá Vorsabæjarhóli. Glíman gekk vel fyrir sig, glímt var snarplega og tekin falleg brögð. Bóndi sigurliðsins, Marín Laufey Davíðsdóttir veitti viðtöku Sigurðarbikarnum að glímu lokinni. Hann var gefinn árið 1987 af Ungmennafélagi Íslands í minningu Sigurðar Greipssonar glímukappa og skólastjóra í Haukadal. Lið Marínar:                                   Lið Brynhildar: 1.         Marín L. Davíðsdóttir                        Samh.  1.         Brynhildur H. Sigurjónsdóttir           Bisk. 2.         Guðrún Inga Helgadóttir       Vöku   2.         Sigríður Magnea Kjartansdóttir         Bisk. 3.         Hanna Kristín Ólafsdóttir      Baldri  3.         Annika Rut Arnarsdóttir                   Garpi 4.         Sigurlín Arnarsdóttir              Garpi   4.         Dagný Rós Stefánsdóttir                   Garpi 5.         Hildur Jónsdóttir                    Garpi Úrslit: Lið Marínar                          Lið Brynhildar          Úrslitabragð 1.         Hildur             1          Dagný             0          sniðglíma hægri 2.         Sigurlín           0          Annika                        1          sniðglíma vinstri 3.         Hanna                         ½         Sigríður           ½         jafnglími 4.         Guðrún           1          Annika                        0          sniðglíma hægri 5.         Hildur             0          Sigríður           1          sniðglíma hægri 6.         Hanna             0          Sigríður           1          hælkrókur hægri á hægri 7.         Guðrún           1          Sigríður           0          hælkrókur hægri á hægri 8.         Guðrún           0          Brynhildur      1          sniðglíma hægri 9.         Marín              1          Brynhildur      0          hælkrókur utanfótar vinstri