Efnilegasta glímufólkið 2016

Efnilegasta glímufólkið 2016

Stjórn Glímusambands Íslands ákvað þann 12.desember að útnefna Halldór Matthías Ingvarsson, UMFN og Kristínu Emblu Guðjósdóttir, UÍA efnilegasta glímufólkið fyrir árið 2016.

Halldór Matthías Ingvarsson, UMFN

Halldór er 16 ára og hefur verið duglegur að keppa á mótum Glímusambandsins undanfarin ár. Halldór er jafnvígur á sókn og vörn í glímu og hefur gengið vel í keppni á undanförnum árum. Halldór hefur þrátt fyrir ungan aldur þegar komið að glímuþjálfun hjá UMFN, hann er mikill keppnismaður sem virðir gildi glímunnar og er til fyrirmyndar jafnt innan vallar sem utan.

Kristín Embla Guðjónsdóttir, UÍA

Kristín hefur tekið þátt í flestöllum glímumótum sem GLÍ hefur staðið fyrir undanfarin ár og staðið sig með sóma. Kritín stundar glímuna samviskusamlega og hefur æft vel undanfarin ár og veit að það er vænlegast til árangurs. Kristín er til fyrirmyndar jafnt innan vallar sem utan.