Keppnisferð til Quimper

Keppnisferð til Quimper
Helgina 3.-6. mars fóru þrír fulltrúar fyrir hönd Íslands til Quimper að keppa í backhold, á Opna franska meistaramótinu. Ásmundur Hálfdán, Marín Laufey og Margrét Rún voru fulltrúar Íslands
Á föstudeginum var backhold æfing þar sem Skotar og Englendingar fóru yfir helstu atriði backhold með yngri og eldri keppendum mótisins. Laugardagurinn var tekinn snemma eftir langt ferðalag daginn áður. Byrjað var á yngri flokkum uppúr 11:00 en keppni í fullorðins flokkum hófst ekki fyrr en um 15:00 og var fram á kvöld. Okkar fulltrúar stóðu sig öll mjög vel og voru margar viðureignir jafnar og spennandi. Keppnin var hörð en í heildina voru um 200 keppendur, yngri keppendum meðtöldum. Marín vann 70+ kg. flokk kvenna og Margrét lenti í 4.sæti í sama flokk. Ásmundur lenti í 2.sæti í 90+ kg flokk karla.
Á sunnudeginum var æfing þar sem Austurríkismenn kenndu og fóru yfir reglur Ranggeln. Það er austurrískt fang en það verður ein af keppnisgreinunum á Evrópumótinu sem haldið verður í Austurríki í apríl. Aðfaranótt mánudags var svo lagt af stað aftur til Íslands.17191115_1873273169554050_5380419973602154613_n