Kona í fyrsta sinn formaður Glímusambands Íslands.

Kona í fyrsta sinn formaður Glímusambands Íslands.
54. Ársþing Glímusambands Íslands fór fram nú um helgina.  Ljóst var að nýr formaður tæki við þar sem sitjandi formaður Ólafur Oddur Sigurðsson hafði gefið það út að hann gæfi ekki kost á sér lengur sem formaður sambandsins.  Tvö voru í framboði til formanns, þau Svana Hrönn Jóhannsdóttir og Sigurjón Leifsson.  Sigraði Svana kosninguna með yfirburðum og hlaut hún 18 atkvæði gegn 3 hjá Sigurjóni.  Það má því segja að konur hafi tekið við stjórn Glímusambandsins því þrjár aðrar konur voru kjörnar í stjórnina og einungis einn karlmaður.
Aðalstjórn Glímusambandsins er því sem hér segir:
Formaður, Svana Hrönn Jóhannsdóttir, aðrir í stjórn eru: Jóhanna Guðrún Snæfeld, Margrét Rún Rúnarsdóttir, Marín Laufey Davíðsdóttir og Guðmundur Stefán Gunnarsson.
Til vara eru þeir: Snær Seljan Þóroddsson, Þórður Vilberg Guðmundsson og Gunnar Gústav Logason.
Á meðfylgjandi myndum er nýkjörin stjórn GLÍ og einnig mynd er Ólafur afhendir Svonu lyklana af Glímusambandinu. Svana formaðurstjórn GLÍ