Íslandsglíman endursýnd í dag

Íslandsglíman verður endursýnd í dag kl 16:35 í Ríkissjónvarpinu.

Glíma á unglingalandsmótinu

Nú styttist í unglingalandsmót UMFÍ sem fer fram á Selfossi um verslunarmannahelgina.

Glímusambandið hvetur sem flesta til að skrá sig til keppni.

Glíma
Sérgreinastjóri: Kjartan Lárusson 8988902 austurey@simnet.is
Staðsetning: Selfossvöllur
Laugardagur Keppni hefst kl. 15:00
Keppni lýkur um kl. 18:00
Keppnissvæði: Selfossvöllur. Til vara Iða/Baula.

Smári og Rúnar sýndu glímu á Geysi 21.júní

21. júní sýndu þeir Smári Þorsteinsson og Rúnar Björn Guðmundsson glímu við opnun nýs veitingastaðar á Geysi í Haukadal.

Um 500 mann mættu á opnunina og sýndu þeir félagar glímuna og fengu lof fyrir hjá viðstöddum.

Íslandsglíman sýnd 17.júní

Þáttur um Íslandsglímuna sem fram fór á Ísafirði 14.apríl síðastliðinn verður sýndur á RUV þann 17. júní næstkomandi kl. 18:25.

Þrastarglíman 2012

Þrastarglíman var haldin í íþróttahúsinu á Torfnesi sunnudaginn 15. apríl 2012. Mótið er kennt við gamlan félaga og velunnara Harðar, Þröst Guðjónsson. Þröstur gefur verðlaun mótsins en þau eru bikarar fyrir fyrstu sætin í hverjum flokki og verðlaunapeningar fyrir annað og þriðja sæti, einnig eru þátttökuverðlaun fyrir þá sem lenda utan verðlaunasæta. 18 keppendur tóku þátt í mótinu. Mótinu fylgir farandbikar sem Samúel Þórir Grétarsson hlaut.

Minningarmót um Guðna kóngabana

Minningarmótið um Guðna Albert Guðnason frá Suðureyri eða Guðna kóngabana eins og hann var nefndur, var haldið í íþróttahúsinu á Torfnesi Ísafirði sunnudaginn 15. apríl 2012. Þetta er opið mót og kom einn keppandi utan Vestfjarða til leiks en alls voru 6 keppendur í tveimur þyngdarflokkum. Fegurðarverðlaunin voru áletraðaður silfurdiskur og þau hlaut nýkrýndur Glímukóngur Íslands, Pétur Eyþórsson, en hann var einnig í fyrsta sæti í opnum flokki mótsins og í þyngdarflokknum +85 kg. Í þyngdarflokknum -85 kg sigraði Birkir Örn Stefánsson, fengu þeir hvor um sig eignabikar. Að lokum var öllum keppendum og starfsmönnum mótsins gefinn kassi af lausfrystum þorskhnökkum og steinbítskinnum. Styrktaraðilar mótsins eru Guðni Einarsson og fjölskylda og Klofningur ehf. á Suðureyri.

Vestfirðingabeltið 2012

Keppnin um Vestfirðingabeltið 2012 var haldin í íþróttahúsinu á Torfnesi Ísafirði sunnudaginn 15. apríl. Fimm keppendur mættu til leiks og fengu áhorfendur að sjá fallegar glímur. Einungis þeir sem hafa heimilisfesti á Vestfjörðum geta keppt um beltið. Sigurvegari mótsins, Stígur Berg Sophusson, fékk veglegan farandbikar og eignabikar en hann var að vinna beltið í sjötta skipti. Fegurðarglímuna vann að þessu sinni Birkir Örn Stefánsson og fékk hann að launum áletraðan silfurdisk.

Sveitaglímu Íslands frestað til haustsins.

Sveitaglímu Íslands hefur verið frestað til haustsins.

Úrslit í Sveitaglímu 16 ára og yngri bikarkeppni

Úrslit í Sveitaglímu 16 ára og yngri bikarkeppni

Úrslit í Grunnskólamóti GLÍ

Grunnskólamót Glímusambandsins fór fram á Ísafirði laugardaginn 14.apríl 2012 í íþróttahúsinu á Torfnesi. Krakkarnir skemmtu sér vel og voru ánægð í mótslok. Glímt var á fjórum völlum samtímis og gekk keppnin vel fyrir sig.